Tram歌词

作词 : 无
作曲 : 无
编曲 : 无
我哋嚟到德辅道嘅路口 喺呢度停低，
左边嘅红砖建筑物系西港城，
前边就系香港电车站，
我哋会坐电车，车费净系几蚊啫，
‭
要小心右边有车，过咗两个安全岛，
行去等紧你嘅电车度，我哋依家行过安全岛啦，
‭
一个 两个，上车 但唔好畀钱住，落车 先畀钱，
喺电车嘅前门上车，然后行上右边嘅楼梯，
揾个前排嘅位，冇错 就系嗰个，坐定，‭
佢话 留低 唔好坐呢班车吖，
佢把声有啲绝望 我心都碎埋，
我喺手袋攞出纸笔 递畀佢，
佢呆一呆一面黯然，然后 哎咗一声，
好快咁写咗个号码，‭
点解我会咁依恋呢个净系识咗一个钟头嘅人呢，
我对佢一无所知 点解会发生呢啲事，
我好开心 好肯定咁讲，今晚八点半
我会喺茶室同一个位等你，依家我要走啦 拜拜，‭
电车开车啦，佢把声喺我脑入边缠绕不散
留低 跟我嚟，我拧转头望住个车站
佢已经唔见咗，我望向德辅道 睇下见唔见到佢，
街上嘅路人唔多 但系佢已经消失咗，
我将个窗拉低 由得风吹住我块面，‭
佢去咗边呢，
路人 街道 高楼大厦喺我身边轻轻咁流走，
嗰晚我去到茶室 决定咗要话畀佢听我嘅身份，
仲要问埋佢嘅名 但系佢唔喺度，
我喺手袋入边攞出佢写住个电话号码嗰张纸条，
好奇怪 号码已经冇咗色 睇唔清楚，
我一路等 等到茶室闩门 佢都冇出现，‭
从此 每一次我返到香港，
如果有时间 又觉得好寂寞，
就会沿住佢带我行过嘅路 再行一次，‭
喺一间道教嘅纪念堂入边，
相入边嘅细孥仔对拜祭佢嘅人凄然咁笑，
佢同嗰个男仔真系好似吖，
佢嘅名就叫做八十八，‭
依家到你去探险啦，
去揾你嘅挚爱，
想坐几耐就坐几耐，
觉得啱就落车，
可能我哋会再见，
送首歌畀你 拜拜。