Momtan歌词

作词 : Zeyad El Dassas
作曲 : Zeyad El Dassas
الفرح بعدك فلّق , مش بآمن حد بقيت بقلّق
كلهم قبل ما يمشوا إتفقوا إن انا " مُمل و ازهّق "
" حلّق من الناحيه تانيه يا عم بخ " .. انا مش بتريّق
غيابهم بَهت عـ الأيام و لونها بقى يغمّق
حزنت قالولي " روّق " , مش هتتحب يسطا فوّق
من غير كلام متزوّق كل اما ازرع خير بتخزوّق
من كُتر ما كنت بسامح هي شافتني مُهزق
عياطي خزّق عيني و بسأل فيني قلبي إتمزّق
انا قلبي بُرج حمام و حمامي ساب الغيّه
كانت هي كل ما ليا و قلبي كان في إيدها ماديليا
مش هي ديا حبيبتي قتلتني و انا مَلياش ديّه !!
مكانتش بتحبني كانت عايزه إني اكتبلها اغنيه
بحزن تمّلي .. عـ اللي راح و مش هيرجعلي
و اللي راح ده انا , ايوه انا سبب حُزني و زعلي
إتقاللي إن انا مَتحبش و إنك عندك حق انك تتخلي
عايروني و قالولي " يا ابيض القلب " يا لالالي
مُمتن ليك عشان خليتني اخاف من كل الناس
مُمتن ليكي ياللي موتّي في قلبي الإحساس
مُمتن ليكوا ياللي شربتوني احزان في كاس
مُمتن لـ نفسي و مش لـ زياد مُمتن للدساس
مُمتن لـ مَن خلاني اصبحت بارد مش بهتم
مُمتن لأني خلاص فوّقت من قبل اما اتجّن
مُمتن على اوجاع بالكم و جراح ما تتلم
مُمتن لأي جرح اتسبب في إني اقدّم فن
بتاخدي فرحي و أدي , ليش ما يصير ما بَدي ؟
العيب ده كان من عندي عشان مَحدش حَبك قدي
العيب كان عِندي مهما بعدنا برجع تاني و أعدّي
خلفتي وَعدي و انا يا سَعدي دمعي بقى مغرّق خدي
كان صعب اعيش في وسط مَلهُمش مَبدأ
كسروا مقاديفي دول نهوني قبل ما ابدأ
كل الناس بتفرح و انا حزين لـ هلأ ..
قالولي " نسيك و عاش بعديك " طب اكدّب ولا اصدّق ؟
مش شايف غير الزعل اما الفرحه فـ لا أراها
بان في عنيكي خيانتك لكن انا مرضيتش أقراها
سيبك من ابتسامتي شوفي اللي انا بداريه وراها
بعدك انا مشوفتش بعدك , و انتي بعدي مدوّراها
ليه دايماً بحلم بيكي عقلي الباطن شكله سَف !
لما حكيت اللي عملتيه في القعده كله عليا سَف
فرحتي بعدي ياما و احزاني اتضربت × ألف
لكن لو حُبك كان مرض فـ إطمني انا قلبي خف
مُمتن ليك عشان خليتني اخاف من كل الناس
مُمتن ليكي ياللي موتّي في قلبي الإحساس
مُمتن ليكوا ياللي شربتوني احزان في كاس
مُمتن لـ نفسي و مش لـ زياد مُمتن للدساس
مُمتن لـ مَن خلاني اصبحت بارد مش بهتم
مُمتن لأني خلاص فوّقت من قبل اما اتجّن
مُمتن على اوجاع بالكم و جراح ما تتلم
مُمتن لأي جرح اتسبب في إني اقدّم فن
انا مش كويس ولا بهزر زي ما إتضح
قولت " خلاص مش عايزك " بس عيني خلِت قلبي إتفضح
ياريتني كنت سمعت كلامهم لما كله نصح
عُمرها ما هتكونلك ولا هتكون عريس جمبها في الفرح
و انا خايب الرجا و ورد الحُزن في قلبي طرح
هل يا ترى انا قلبي اللي جرحهم ولا إتجرح !!
كله فيا فِرح و انا و قلبي مشوفناش فَرح
في قلبي ضحايا تقولش يعني كأن قلبي " رَفح "
و بس كده يا عم .. قلبي حَن قولت " إتلم "
رجعت نيمت بـ غم , حزنت بينت بـ هم , ضحكت كله إتخم
فكروني فرحان و انا من جوايا جضّان
بحكي للحيطان و احزاني شافوني خدوني بالأحضان
خارج من المعركه مغلوب قلبي إزاز و كلامهم طوب
مَرتاحتش قولت لـ قلبي " توب دايماً بتحب المعيوب "
كنت هم إنزاح و بفوق , من العلاقات مرعوب
انا إمتى ارتاح و اروق خلوك يا قلبي بقيت سفّاح قلوب
مُمتن ليك عشان خليتني اخاف من كل الناس
مُمتن ليكي ياللي موتّي في قلبي الإحساس
مُمتن ليكوا ياللي شربتوني احزان في كاس
مُمتن لـ نفسي و مش لـ زياد مُمتن للدساس
مُمتن لـ مَن خلاني اصبحت بارد مش بهتم
مُمتن لأني خلاص فوّقت من قبل اما اتجّن
مُمتن على اوجاع بالكم و جراح ما تتلم
مُمتن لأي جرح اتسبب في إني اقدّم فن
فرحتهم و قلبي مشافش منهم غير مخاوف
من كُتر العياط انا إتعميت مبقتش شايف
بقيت بـ مشاعري اجازف , زعلتني و قولت " آسف "
حُبها دخل في قلبي فجّر نفسه بـ حزام ناسف
بوم .. رقصت على احزاني عـ التكه و عـ الدوم
حُبي ايه ده اللي نص كم !! , حبيبتي متنفعش تبقى ام
محدش بقى بيضُم , حكيت همي و بقوا صُم بُكم
شافوني شؤم , ريّحوني من الدُنيا عشان دي حاجه تغُم
يا ست الكل .. انا مش تمام ولا زي الفل
مبروك عليكي الحُب .. - مبروك عليك الحُزن يا دهول
مكملناش مبروم على مبروم ما يرُل
و انا مش بَـترول دي كانت حبيبتي بقت حبيبة الكل
بقيت لوحدي مع مزيكتي و إنتي بقيتي معاهم
عرفتك على اصلك و حُبي ليكي ده سوء تفاهم
كلهم قالوا .. " متفرّقين من يوم لُقاكم "
بفتكرك بالخير الدين قال " اذكروا محاسن موتاكم "
مُمتن ليك عشان خليتني اخاف من كل الناس
مُمتن ليكي ياللي موتّي في قلبي الإحساس
مُمتن ليكوا ياللي شربتوني احزان في كاس
مُمتن لـ نفسي و مش لـ زياد مُمتن للدساس
مُمتن لـ مَن خلاني اصبحت بارد مش بهتم
مُمتن لأني خلاص فوّقت من قبل اما اتجّن
مُمتن على اوجاع بالكم و جراح ما تتلم
مُمتن لأي جرح اتسبب في إني اقدّم فن